Tag Archives: Buwan ng Wika 2013

Buwan ng Wika 2013

Sa darating na buwan ng Agosto ay muling ipagdiriwang ng bansa ang Buwan ng Wika sa pangunguna ng Komisyon ng Wikang Pambansa (KWF). Ang tema ng pagdiriwang ngayong taon ay “Wika Natin ang Daang Matuwid.”

Ang taunang pagdiriwang na ito ay alinsunod sa Pampanguluhang Proklamasyon 1041 na nilagdaan ng noo’y Pangulong Fidel V. Ramos noong Hulyo 1997. Basahin ang buong teksto ng nasabing proklamasyon sa pahinang ito.

Malaking bahagi ng taunang pagdiriwang na ito ang pagsasagawa ng mga kaugnay na aktibidad sa mga paaralan. Noong Mayo ay inilabas ng Kagawaran ng Edukasyon ang Memorandum 89 na patungkol sa Buwan ng Wika 2013 (i-click ang link para ma-download ang dokumento). Ayon dito, layunin ng pagdiriwang ngayong taon ang mga sumusunod:

1. Ganap na maipatupad ang Pampanguluhang Proklamasyon 1041

2. Mahikayat ang iba’t ibang ahensyang pampamahalaan pampribado na makiisa sa mga programang tulad nito na nagpapataas ng kamalayang pangwika at sibiko

3. Maganyak ang mamamayang Filipino na pahalagahan ang wikang Filipino sa pamamagitan ng aktibong pakikilahok sa mga gawain kaugnay ng Buwan ng Wikang Pambansa

 

 

Maliban sa nabanggit na tema, ang pagdiriwang ngayong taon ay nahahati rin sa mga sumusunod na sub-tema upang magsilbing gabay ng mga paaralan sa kanilang isasagawang mga aktibidad:

1. Ang Wika Natin ay Wika ng Katarungan at Kapayapaan

2. Ang Wika Natin ay Laban sa Katiwalian

3. Ang Wika Natin ay Sandata Laban sa Kahirapan

4. Ang Wika Natin ay Wika ng Mabilisan, Inklusibo, at Sustenidong Kaunlaran

5. Ang Wika Natin ay Pangangalaga sa Kaligiran

About these ads

Follow

Get every new post delivered to your Inbox.

Join 10,515 other followers

%d bloggers like this: